Google ADS

Krasniqi-ambasadorit Szunyog: Qytetarët e Kosovës po vuajnë pasojat e sanksioneve të vendosura nga BE-ja

14:23 | 14 Shkurt 2024
E.G

Kryetari i Partisë Demokratike të Kosovës (PDK), Memli Krasniqi është takaur me shefin e Zyrës së BE-së në Kosovë, Tomas Szunyog.

Krasniqi me anë të një postimi në Facebook, Krasniqi tha se në takim u diskutua për zhvillimet aktuale politike në vend dhe perspektivën evropiane të Kosovës, shkruan Arbresh.info.

“Ambasadorit Szunyog, ia ritheksova se qytetarët e Kosovës po vuajnë pasojat e sanksioneve të vendosura nga Bashkimi Evropian, për shkak të papërgjegjësisë dhe paaftësisë së Qeverisë Kurti, e cila po vazhdon të marrë vendime të pamatura dhe po tenton të cenoj pavarësinë e institucioneve më të larta juridike dhe ekonomike në vend.”, ka shkruar kreu I PDK-së.

PDK si parti shtetformuese dhe shtetndërtuese, dhe si lidere e opozitës do të vazhdojë të luaj rol konstruktiv në mirëmbajtjen dhe avancimin e raporteve të mira me aleatët ndërkombëtarë të Kosovës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm